Dezyem Endepandans avan tout bagay se yon ideyoloji lakay li ye. Se yon ideyoliji politik ak sosyal ki ale nan sans kwayans popilè a, e ki vize dekolonizasyon sistèm sosyalizasyon pèp Ayisyen an.
Dezyem Endepandans lan tou se yon mouvans. Ki vle di : yon gwoup moun k ap vanse ansanm, nan yon sèl direksyon, anba menm prensip ki tabli pa KOMITE SANTRAL DEZYEM ENDEPANDANS LAN.
Dezyem Endepandans se yon vizyon yon Ayiti san kidnaping, san vyolans. Yon Ayiti ekolojik, ki vè, e ki entèlijan. Yon Ayiti kote jèn yo, ak Diaspora yo, se fòs motris devlopman peyi a.
